Пилот проект Селекциjа на квалификувани странски работници

Што нуди проектот?

• На одбраните квалификувани работници им се нуди можност да аплицираат за постојан престој во рамки на пократок временски период, односно после една година и половина (за високо квалификуваните категории на работници) или две години и половина (за квалификувани работници со средно образование) непрекинат престој и работа во РЧ (во споредба со сегашниот стандарден период од 5 години). Почнувајќи од 1 јули 2007, категоријата високо квалификувани работници ги вклучува учесниците во пилот проектот кои имаат универзитетско образование и работат на работни места кои бараат универзитетско ниво на образование и кои одговараат на нивните квалификации (образование и пракса).
• Успешните кандидати ќе можат да се населат во Република Чешка заедно со нивните семејства (кои можат да добијат, исто така, дозвола за постојан престој).
• Во случај на загуба на работното место во текот на првата година од проектот, од причини надвор од контрола на учесникот во проектот, се гарантира заштита во период од 45 дена, со цел наоѓање на ново работно место. Во текот на овој период учесникот нема да ја загуби визата и нема да му биде прекинат престојот во Република Чешка. Во текот на следните години од пилот проектот на учесниците исто така им се дава преоден период доколку ја загубат работата заради некои други причини.
• При барањето на работа заинтересираните кандидати можат да ја користат интернет страната www.praceprocizince.cz, каде чешките работодавци огласуваат слободни работни места.

Кои услови мора да се исполнат?

• Проектот е отворен за:
  - Државјани на Белорусија, Босна и Херцеговина, Хрватска, Канада, Индија, Казакстан, Македонија, Молдавија, Црна Гора, Руска Федерација, Србија и Украина;
  - Дипломци на Чешките Универзитети од сите земји (со исклучок на оние кои се школувале во РЧ во рамки на програми за развој на нивната земја), кои дипломирале во 1995 или подоцна;
  - Матуранти на Чешките средни школи од сите земји, кои го завршиле школувањето и положиле завршен испит во 2000 или подоцна.
• Апликантите мора да имаат завршено најмалку средно образование.
• Апликантите мора самите да си обезбедат легална работа во Република Чешка.
• Апликантите мора да освојат најмалку 25 бода на компјутерскиот систем за селекција кој се однесува на различни критериуми (квалификации, искуство, познавање на јазици, семеен статус и сл.)

За проектот:

• Пилот фазата на проектот започна во Јули 2003, и е планирана да трае 5 години. Проектот постепено ќе биде проширен и за други земји и поголем број на луѓе.
• Пилот проектот е имплементиран од страна на Министерството за труд и социјални работи на Република Чешка, во соработка со Министерството за надворешни работи и Министерството за внатрешни работи на Република Чешка.
• Пилот проектот е имплементиран во согласност со Резолуциите на владата на Република Чешка: бр. 975, донесена на 26 септември 2001 година, бр. 720 од 10 јули 2002, бр. 340 од 14 април 2004, бр. 394 од 6 април 2005, бр. 1374 од 26 октомври 2005 и бр. 431 од 19 април 2006 година, бр. 538 од 23 мај 2007 година.

Повеќе информации

ЗА ПОВЕЌЕ ИНФОРМАЦИИ КОНТАКТИРАЈТЕ ЈА КАНЦЕЛАРИЈАТА:

ПРАГА:

Административна канцеларија на Министерство за труд и социјална работа во Прага

Работно време: понеделник и среда: 8:00-11:30 и 13:00-16:00
вторник и четврток: 8:00-11:30
Адреса: Vyšehradská 43, 128 00 Praha 2 - Nové Město, Czech Republic
Телефон: (+420) 224 914 620, -621, -623, -629,
Факс: (+420) 224 914 630
E-mail: migrace@mpsv.cz

СКОПЈЕ:

ИОМ Меѓународна организација за миграции
Работно време: Понеделник-петок: 9:00-12:00 и 14:00-17:00
Адреса: Варшавска 9а, 1000 Скопје, Македонија Телефон: 02/ 30 88 128

ЗА ЛИЧНО ДОСТАВУВАЊЕ НА ДОКУМЕНТИ:

ПРАГА:

Административна канцеларија на Министерство за труд и социјална работа во Прага

Работно време: понеделник и среда: 8:00-11:30 и 13:00-16:00
вторник и четврток: 8:00-11:30
Адреса: Vyšehradská 43, 128 00 Praha 2 - Nové Město, Czech Republic
Телефон: (+420) 224 914 620, -621, -623, -629,
Факс: (+420) 224 914 630
E-mail: migrace@mpsv.cz

[ home ] [ top ]